ಹಾಲು ಕೊಳ್ತೀರಾ?

ಊಟ ಆಗಿತ್ತು, ಅಮ್ಮ ನನಗೆ ಅಪ್ಪನಿಗೆ ಹಾಲು ತಂದು ಇಟ್ಟು ಅಡಿಗೆ ಮನೆಗೆ ಕೆಲಸ ಮಾಡೋದಕ್ಕೆ ಹೋದ್ರು. ನಮ್ಮಪ್ಪ ಹಾಲು ಕುಡೀತಾ 'ಹಾಲು ದೇಹಕ್ಕೆ ಒಳ್ಳೆಯದು ರಾತ್ರಿ ೧ ಲೋಟ ಕುಡೀತಾ ಇರಿ' ಅಂತ ಅಂದ್ರು.

ನಾವು ತುಂಬಾ ದಿನದಿಂದ ಕುಡೀತಾನೆ ಇದೀವಿ ಅಂದೆ.
ಸಾಮಾನ್ಯವಾಗಿ ತಪ್ಪು ಮಾತಾಡದ ನಮ್ಮಪ್ಪ ಅಂದು 'ಓ ಹೌದಾ, ನೀವೇನು ಹಾಲು ಕೊಂಡು ಕೊಳ್ತೀರಾ?' ಅಂದ್ರು .

'ಇಲ್ಲ, ಹಸು ಸಾಕಿದೀವಿ!!' ಅಂದೆ.

ನಮ್ಮಮ್ಮ ಅಡಿಗೆ ಮನೆಯಲ್ಲಿದ್ದವರು ಚಾವಡಿಗೆ ಬಂದು 'ನಾವು ತಪ್ಪಿ ಹೇಳಿದ್ರೆ ಕಂಗಳಿ ಜನಗಳು ಅಂತಿದ್ರಿ, ಈಗ ಹೇಳಿ' ಅಂತ ತಡೀಲಾರದೆ ನಗ್ತಿದ್ರು.